۝ الملحمه الوائليه رقم 2 ۝

أول كلام ً نبديه =بأسم الخلاق نسويه
رب ٍ رحوم ٍ نرجيه =يغفر ذنوب الزلات
له الملك وله الكون =واعباده بأمره يمشون
والعسر عنده يهون=خالق سبع السموات
سبحانه رب الآله=ليا بغى شي ٍ سواه
يأمر العبد وينهاه=مكون المستحيلات
وبأسم نظمت القيفان=يالله نطلبك الغفران
تكفينا شر الطغيان=تلهمنا درب الثبات
يارفاع الميازين=تكفينا شر الطاغين
ناس ٍ بالعالم غاوين=أهل السوه والنمات
بأسمك ياعلام الغيب=أرتب قافي ترتيب
نسعى بالمعنى ونجيب=ونكتب حروف ٍ جزلات
يالله بسم توكلت=وعلى جنابك دخلت
في ظلم عبادك بحلت=ناس ٍ تدرج بالغفلات
ومن بعد ذكر الخلاق=نكتب قاف ٍ بالأوراق
قلته والفكر مشتاق=رجادي ومرابعات
هذا ماقال عشيان=في وزن ونظم القيفان
قاف ٍ بالمعنى مليان=بأهل الشيمه والطولات
نشرح بعض البراهين=حنا شيوخ وسلاطين
من الشام لحد البحرين=نقول الهرج الثبات
شيخان عنزه كثير=من حد الريشه لضمير
ليابغداد ليا ارض الدير=شرق ٍ من شط الفرات
منا المقرن مفهومين=اهل المد الثمين
شيوخ ٍلنا قديمين=حطمو كيد الطغات
وحدها عبد العزيز=راع الفكر والتمييز
بالوقت العسر الوجيز=حقق لنجد الخيرات
وحد نجد بروس الشلف=جمعنا في حب ولف
والمعادي شاف الدلف=وأمنا بكل الجهات
وحد نجد بهدي الدين=وابعد عنا المشركين
بسنة رب العالمين=جمعنا بأمن وخيرات
جعله بالجنه مثواه=الله يطيب ثراه
في قدرة رب الآله=بالجنان النعيمات
ليا جا المعنى بالتفسير=هو اللي يذكر بالخير
ريف ضعوف ٍمقاصير=وخصص للعاجز عادات
وخلف ربع ٍ صناديد=حكاما ًبالمعنى تفيد
مشوا بالدين الحميد=والمشاريع الضخمات
المقرن ساس الأبطال=شيوخ ٍ يضربها أمثال
من الجنوب ليا الشمال=من سلوى لحد القريات
أخذوا بالمجد صكوك=والفخر لهم متروك
من الخليج ليا تبوك=لهم فعول ٍ ثمينات
طورو الشعب بعمران=وفلل تبنى لسكان
والمزارع بالأركان=ناخذ دفعات وشيكات
نعم ٍ والله بالسعود=أهل الفعل المحمود
حكاما ًتد المجهود=من العصور القديمات
نجد حكموها بالسيف=ومشوا بالدين الحنيف
بهدي القران الشريف=يصدرون التعليمات
ومنا أمراء الكويت=شيوخ ٍ مبطي لهم صيت
نعم ٍ والله ليا لفيت=بالصباح أهل الطولات
ونذكر شيوخ البحرين=سطام العايل والطاغين
شيوخ ٍ ماهم خفيين=الخليفه باللقوات
وشيوخ عنزه كثير=مانحصيها بالتعبير
يطول شرحي والتفسير=لو أعددهم بالذات
نعطي نبذه عن نواف=كريم وحسين أوصاف
ونلاقى خصمه ماخاف=يروي حد المصقلات
ومنا المجول والطراد=سطام بطيبه معتاد
ومشهور وربي شهاد=لهم فعول ٍ مذكورات
فهد والشيخ السطام=والشيخ النوري جزام
وخلف خصمه ماينام=يوم الهقوه واللقوات
وأبن بنيه وأبن نصير=أبطال لهم مشاوير
لياصار اليوم الكبير=لهم بالهيه هدات
ومنا أبن عيطا وشهاب=زحازيح ٍ ماتهاب
لهم فعل ٍ بالأجناب=تشفي كبود ٍ غليلات
وأبن دغمي راع الجود=وحتى أبن معبهل وسعود
شيوخ ٍتدي المجهود=بالظروف العسيرات
والخظع والحماميد=أهل الفعل المجيد
أشيوخ ٍ تزهى الحميد=وأهل عز وجمالات
وأبن غشم والقعقاع=ليا حصل وقت النزاع
حماية شقح الأقطاع=من فوق ظهور العجلات
والكويكب بالتوصيف=شيخ ٍ بالملاقى يخيف
وأبا الوكل ريف الضيف=بيته للعاجز مبات
ومنا المجول والسطام=شيوخ ٍ من ساس كرام
قادوا سلفان وجهام=حماة المركب بالشدات
ومنا الزيد وابن هزاع=بالملاقى تقل أسباع
يخلون القلب الرعاع=يصيبه رجف ودقات
وأنشد عن الشيخ أورنس=سبع الغابه ماله جنس
بالملاقى ماهو ونس=مظاريبه عطيبات
وأنشد وتلقى الغبين=بالمكارم صاعدين
ياما عطوا من ثمين=نعم ٍ والله بغبينات
وأنشد عن أبن نحيت=أبو كاتب شيخ وقيت
يرحبك ليا جيت=وتاخذ عنه ملحوظات
وأنشد عن أبن حنيان=شيخ ٍلفخذ الربشان
ياما قاد من الكوان=يوم عصور القوامات
والفليتي وأبن حزام=وأبن سعيد وابن دهام
والديدب لربع زمام=لهم بالفكر ميزات
وابن موينع والمجلاد=وأبن صعفق له أمجاد
شيوخ ٍ من ترث جداد=لهم سجل ٍ بالصفحات
ومنا الجندل والطيار=شيوخ ٍ لهم مقدار
أهل الشومه وأهل الكار=فعايلهم مجيدات
وأنشد عن أبن هذال=يرسي كما يرسي الجال
ون جا للهيه مجال=حماي لتال الساقات
والمرتعد والرشدان=شيوخ ٍ من ترث الويلان
لهم دليل وبرهان=بالتاريخ وبالتورات
ومنا قروم ألأواليد=أبن ملحم وأبن مهيد
واحدهم بطل ٍ صنديد=ريف العجز المقصرات
ومنا المرشد والفقير=والمصلب ريف القصير
لهم فعول ومشاوير=يوم السبايا دكلات
ومن ابن سمير المصطور=وابن مهلهل والمشهور
شيوخ مضى لهم دور=يزحمون الشخصيات
ومن الايدا وبلاعيس=شيوخ وباللقوه فريس
يتعبون المحاميس=لهم وجيه ً سفيرات
واذكر بالفعل أبن هديب=وابن جاعد وأبن عضيب
وابن شافي والخطيب=والرهاطى وعطيفات
والعواجي راعي الكار=والهزاز ٍ والأمار
وأبن موقف له أذكار=وابن مهنا له جودات
وان معجل واليعيش=وابن القلفى وقعيشيش
وابن عسكر وابن خميش=وابن جبل وجميشات
ومنا الشيخ ابن ضبيان=وبن مقحم وجلادان
وبن حمرون وبرخان=وابو بكر وهولات
وبن تويجر وبن مجيد=وابن شتيوي وابن عيد
والرعوجي بالتوكيد=والشليخي واحسنات
ومعيتقل وابن فحيحيل=ومبارك وبن دعيبيل
واخو بقشه وابن حكيل=وابن سعدي والوزات
والشقاوي والوطبان=والضويحي وان ريمان
وبن معجب والنمران=والظفيري ومحينات
وبن ابن بطيحا معدود=وابن حريميس وجلعود
والغرو حام الشرود=والنجدي سبع الغابات
اونادي وابن شامان=وبن طواله وعرابان
وبن حضيري وحميضان=والقحص افعوله جملات
وابن قنفذ والعمران=والديري وابن عجلان
وابن نحيف البطران=وان غافل ومعينات
منا ابن عرفج وابن ظهير=وابن وايل وابن حقير
وابن معضب وابن عرير=واخو بقشه وجبلات
والشليتي والمنصور=وابن غشم والفاعور
ومنا ابن الياس المنعور=ومنا ابن عضيب بثبات
ومنا ابا الروس من العصب=ومنا ابن حميضه و القصب
ماهو لاهزو ولانصب=من وايل ماهي زيفات
فعل وايل مانحصيه=كثير ولاني حاويه
واللي يجهلني ياهيه=أكثر من رومل حومات
من الحاظر والقديم=بهم كم شيخ وعديم
بهم ابطال وصواريم=ولهم افعول وذكريات
وايل جيل ٍ ورا جيل=من عدنان ليا اسماعيل
وهم رجال مشاكيل=لهم نفوس ٍ عزيزات
لانخون ولانبوق=ولانتبع سلم السروق
وعز وللمعادي عوق=وفعايلهم مجيدات
واختم هرجي بأخر قول=بصلاة ٍ على الرسول
عدد طش من الهملول=من السحب الممطرات