مساجله بيني وبين سعود الحربي

ماشفت شي ٍ شايفه يابو سامي = ناس ٍ جميع ومفختين الطبيعه
ياسعود لو كلمت بعض الأنامي = تقل كلامه بالذهب لك يبيعه
لاعاد ماله فيك قصد ومرامي = غدى جفول وصايبته الخريعه
لو قلت .. قوك. مايرد السلامي = جنب سلوم العرب والشريعه
يدور الزلات مثل الحرامي = وأن سمع سرك عند غيرك يذيعه
وين الحيا والطيب ماهنا التزامي = وش هالبشر ياسعود وش هالصنيعه
يوم نتسمع للعلوم القدامي = تلقى الغيار بوقتنا والفظيعه
ولا أنت نعما ًفيك يابن الكرامي = مافيك شك ولا أفعالك هكيعه
لكم وقار ٍ عندنا يالسنامي = ياعز من ضاقت عليه الوسيعه

ودو لبو بندر جزيل السلامي = الصاحب اللي منزله بالطليعه
ياصادق ٍ بالقيل خذ أحترامي =قولك صحيح ٍ والفعايل رفيعه
با الناس ياعشيان مرمي ورامي = ماحسبوا لوعاتها والفجيعه
ناس ٍ تصفي روس ناس ٍ نيامي = تسعى على هدم الصفوف ونجيعه
وناس ٍ تبيع حظوظها بالمظامي = عطشى على نيل الردى والخديعه
سود الوجيه وصيدها بالظلامي =أقرامهم ريف الفؤاد وربيعه
أرفع مقامك يارفيع المقامي = تلقى الأعادي في مرضها وجيعه
بيت ٍ بليا ساس يصبح هدامي = لويشبه البراق زايد وسيعه