سميت بأسم اللي خلق بر وترابه=اللي رفع سبع ً وسبع ً منزلها
خلاقنا محصى البشر رافع الثابه=وأعمارنا بيديه قصره وطايلها
يالله ذراك وغيركم ماأنتذرا به= يلي خلقة نفوسنا وأنت كافلها
الرزق عندك يالولي فاتح ٍ بابه = يوم ٍ بعض الناس بابه مقفلها
بعد الولي ننصاك ياصيرم الغابه=حيثك فهيم وكلمة الحق قايلها
أبوحمد يوم جانا فرحنا به=أفراده الطيب سويه يعاملها
حر ٍ ولد حر ٍ على راس مرقابه=ضد العنيد اللي أشنابه يفتلها
نحمدك يالمعبود يوم اللذي جابه=اللي أفعاله بالشهامه منفلها
حكيم راي ويعطي الحق طلابه =والحق يرضي ناس وناس يزعلها
عندي سؤال وجابني يمك أسبابه =هذي حقيقه لازم أني أفصلها
خمسة عشر عام ً وشهرين بأحسابه=خدمة علم مع بدلة العز حاملها
لا أهملت بالواجب والامر نتمشى به=وسر العمل في داخل الصدر شايلها
واليوم مدري ليه ما أحط الأجابه =من عقب ماني علوها صرت أنا أسفلها
هذي مواضيع ٍ أنتم قبلي أدرابه= شرحتها لك وأنت يالذيب حللها
والله مالي شف في زيد وعتابه =وعامر وعمار مع عبيد نجاملها
لاكن هيضني خاطرا ًهيضه ما به=والنفس عيت لا تطاوع عواذلها
قالوا لي أسكت ( قلت حلت بنا ذيابه)=قالوا أجلها قلت وشلون أأجلها
قالوا تصبر ..قلت عمر الفتى نهابه= لابد من حفره طوال ٍ نثايلها
قالوا علامك قلت همي وأنا أولابه=قالوا بكيفك قلت كيفي نوصلها
قيل أتركوه اليوم واقف على عصابه=( قلت الابل أليا هجت تروح على اهلها)