رد: اثار منطقة الجوف
يعطيك العافية الرولة عزي ماقصرتي
بس قصر كاف ما سمه قصر كاف بس سمي قصر كاف بعد التحريف ومحاولة طمس معالم الرولة بمنطقة الجوف وللاسف
واسمه الحقيقي قصر الامير نواف الشعلان
والذي بناه في 22/ 7 / 1338 هـ الموافق 1920 م
قبل ان تخضع منطقة الجوف للحكم السعودي ثم سلمه للملك عبدالعزيزاثناء فترة تأسيس الدولة السعودية عام 1344هـ
ولقد تعاقب على العمل به بعد تسليمه للملك كلا من :-
1- علي بن بطاح اول من استلم من ابن شعلان في شهر رمضان المبارك عام 1344هـ وبقي فيه حوالي ثلاث سنوات
2 - عبدالله بن حمدان من اهل الزلفي وبقي فيه حوالي ثمانية اشهر
3 - عبدالله الحواس من اهالي الرس وبقي فيه حوالي اربع سنوات
4 - صالح بن عبدالواحدمن اه الدرعية
5 - عبدالعزيز بن زيد كأمير للقريات
6 - عبدالعزيز السديري كأمير للقريات عام 1355 هـوفي عهده تم انتقال مقر الامارة من قرية الكاف الموجود بها القصر الى مقرها الحالي في القريات عام 1357 هـ
نبذة صغيرة جدا عن القصر
بعد سقوط الجوف بيد ابن رشيد عام 1337 هـ / 1919 م بدأ الامير نواف في انشاء قصر له في قرية كاف وهو ماعرف بقصر ابن شعلان وتم بناءه على تلة شرق جبل الصعيدي وقد وجلب الامير نواف البنائين من سوريا وقد اكمل بناء القصر من بعد وفاة الامير نواف ابنه الامير سلطان
وقد قال شاعر الجلاس الشاعر محمد بن صفوق العبدلي هذه القصيده بسبب تحويل الاسم وتغييره من قصر الامير نواف الشعلان الى قصر كاف ومحاولة تزوير التاريخ هذه القصيده التاريخية :-
ياقصرنا ياللي تسمى قصر كاف ...........قلـب الحقايـق دايـمٍ مايفيـدي
تبقى على اسمك دايماً قصر نواف..........والاالجبل يبقى على أسم الصعيدي
ذكرتني عن مامضى يوم الاسلاف..........بأهل الفعايل والكـرم والحميـدي
اللي لهم في ذروة المجد مشـراف.........ولهم مكانـن بالضمايـر يزيـدي
حماية المركب هل العز الاشـراف.........تاريخهم يبقـى قريـب وبعيـدي
يتلون ابن شعلان راع الفخر ناف..........شيخٍ وحبه ماشين مـع وريـدي
تراثهم مع عبر الازمان ينشـاف...........هذي حقايق ماخترعنـا جديـدي
المجد تلقى له عناوين واوصـاف..........هم عزوتي ومطوعيـن العنيـدي
ربعي هل العليا على كـل ميقـاف.........وقت الوغا تسمع ضريس الحديدي
افعالهم تذكر على اشكال وصنـاف.........هم لابتـي يستاهلـون المجيـدي
افعالهم تبقى مع الناس واتشـاف...........ماهي سوالـف سرمـديً بليـدي
وافعالهم افخر بها واقف اوقـاف..........وقولها وشهر بها فـي قصيـدي
وافعالهم تعرف على حق وانصاف........والصدق يبقى والزمن له يعيـدي
وافعالهم تذكر على الخيل والهاف.........كم واحدً خلـوه يبكـي وحيـدي
بهم اتغنا وافتخر واصخر القـاف.........وصعب القوافي اهومها بس بيدي
ياما تجي بأشكالها كنهـا رعـاف........وعندي تراقص وش تبيه وتريدي
واهمس لها تريحي مامن اخـلاف........مشان ماتطغـى علـي وتزيـدي
تم الكلام وخاتمه مابـه اسـراف.............وانا اعتبر ياشفتكم يـوم عيـدي
وهذه قصيده آخرى للشاعر علي جوفان السالمي الرويلي
ياكاف وش.. باقي قديمات الاسـرار............غير النخل والسور وكسـور طينـه
ياكاف صرتي اسم.. ومجـرد أثـار.............حتـى المبـانـي والمناظرحزيـنـه
عودٍ يسولف لي أخـذ منـك تذكـار.............سبعيـن عـام وقبلهـن مـن سنينـه
يقول كنتي ملجـئ... للعابـر المـار............يذكـر سواليفـه ودمـعـه بعيـنـه
يوم العرب في عزها الجـار للجـار............عزوشـرف هـاك الوجيـه الأمينـه
رغم مصاعب قلة المـاء والاخطـار...........رجـال درب النايـفـه عارفيـنـه
لوكان وضع البـدو مابـه استقـرار...........كـل مـا تشتـت شملهـم تجمعينـه
يقول هـاك العـود قطعـت مشـوار...........ذكرى (بعطر الذاكـره) مـن سنينـه
يذكر أحياض الملح وعيـون وأبـار.........وذكرى قصرنواف في وقـت حينـه
هذا القصر للمجـد بصمـه وتذكـار..........تاريـخ نفخربـه جـذوره متيـنـه
لشيوخنا الشعـلان تاريـخ الاحـرار..........تاريخهـم عـز وفـخـر كاتبيـنـه
وكانت قرى في وقتها والزمن سـار.........واليوم صارت فـي حـدودك مدينـه
ياشامخـه منهـو تجاهلـك بـالـدار...........يمكـن تحـول سنيـن بينـك وبينـه
هو يحسبك بس رمل مع طين وأحجار.......او نسـى وقـتٍ مـر يـوم تحمينـه
لوبعض نخلك راح والسـور ينهـار.........تبقيـن لـك تاريـخ حلـوه سنينـه
أهلك هم أهـل الكـرم مابهـم عـار...........طيبـة أخـلاق وجارهـم حاشمينـه
اليوم صرتي ممر بالـدرب وأ ثـار..........صفحـه قديمـه باقـيـه بالمديـنـه
لو الزمن جسّّّد علـى طينـك أغبـار..........لا ما نسـت سـورك قلـوبٍ فطينـه
هالعود سولف لي عن الماضي أسرار........وأنا انسجمت وقلت شعـري بحينـه
لوكثرشيبـه مـرت أيـام وأخـبـار...........لازال حافظهـا بفـكـره رهيـنـه
جالس يحدثني عن اللي معـه صـار........وهاضت أشواقي يـوم بيـح كنينـه
يالعـود لا تبكـي أيامـك وتحـتـار........وقتٍ مضى مع جيـل وينـك ووينـه
ياكـاف هـذا الجيـل والوقـت دوار........وإلا الــذي يسكـنـك ماتفقديـنـه
هذا صدى صوت وترانيـم وأشعـار.......للي شعـل شمعـه لذكـرى حنينـه
ماقصرتي اختي الرولة عزي راجيا تقبل الاضافة البسيطة ودمتي بحفظ الله ورعايته
التعديل الأخير تم بواسطة قصر نواف ; 01-12-2010 الساعة 02:21 AM.
|